Şiir Ekle

Melayê Cizîrî - Feleka Etlesê Sözleri

Melayê Cizîrî - Feleka Etlesê şiirinin Kürtçe sözleri...
Melayê Cizîrî

Kürtçe SözleriFeleka etlesê sergeşte di cama me hebab e
Mewc didit qulzemê ’işqê me li serdest e xurabe

Dil kemerbeste’ê ’işq e me xwe zunnariperest în
Mey û me’şûqe du’ayê me û seccade qibab e

Ji hicabê were der nazik û mestane bimeş tu
Te cehan zîr û zeber kir bi Xwidê ev çi hicab e

Destê Cibrîlî hilavêtî ji bejna te niqabê
Bi yeqîn Qaf e li rojê were der sîne niqab e

Me bi işraqî su’alek ji lebê xunçe kuşa kir
Go bi ilhamê dizanî di su’ala me cewab e

Tu binê sazê bi awazê çi rengî me dixwazit
Ellah Ellah bi Xwidê qet dibihî ev çi xitab e

Guh de nayê ji lebê le’l-i bi qanûnê hikayet
Dê çi şehde bi defê ra bidirit şehde rebab e

Xweş perîşansifet û mecme’e’ê şûretê hal în
Pîrê ’işq în û ciwanteb’ û dilê ’ehdê şebab e

Dûredest în ji xiyalan me divê yek ji Xwidê ra
Xef di behsa me ji dil bêt û birit ’eyn-i sewab e

Me muşerref ke du çeşmên me bisata qedemê ke
Pir li nik min heye mey mêze ke min sîne kebab e

Kesk û soran tu binê çerx-i li dora du hilalan
Du qeran mane beraber şefeqê perde ’isab e

’Er’eran ta di şepal in wereqan cezbe ye vê ra
Nêrgizan ser di giran in li binefşan xem û tab e

çîçekên qewsê qezeh reng-i hezar reng-i sema ye
Sinbilan girtî xwinav û li gulan taze gulab e

Mest û hişyar-i heme keckuleh in reqs û sema tên
Ez nizanim çi neseq keyf e nizanim çi şerab e

Xaka payên te di rêza seg û tolan xwe dinasîn
Me ne sûc û ne gunah û ne xeta ev çi ’itab e

Ji wisala xwe zekatê bide miskîn û feqîran
Ko cemala te ye kamil di kemala xwe nişab e

’Aşiqê mes’elexwahê were em muftiyê ’işq în
Destekê sunnet e tê da di yekê neşşê kitab e

Dil bişû tu j’ vê nifaqê ko bidit sîne beraqê
Bi şefa hemrehê erbabê dil û ehlê şefa be

nezera ’eynê ’inayet bi me da şahê wilayet
Ji ’inayet nezerê dil me tejî ’ilmê ’ubab e

Lebê le’lên te dibê her bi yekê nuqte’ê ’ilm in
Bi xetê herfê elîf cezme şubê helqe’ê bab e

Xet û xalên te bi mû mû ji me ra mes’elego yin
Me ji wan haşiyeyan sîne tejî şerhê lubab e

Ab-i heywan te divê rast-i binoşî şebê qedrê
Destê ber gerdenê pîr pêc û xem an zulfê duta be

Me ji biskên te girihdar-i ji bextê xwe girê ne
Me ji zulfên bi xem û tab-i di dil da xem û tab e

Te divê berq û birûskan bireşînî tu nezer de
Te divê roj-i xwiya bit ji şibakê tu xwiya be

Te divê zîr û zeber kî me du zulfan bide ber ba
Te divê qenc-i qiyamet li me rabit bi xwe rabe

Qesd-i serçeşme’ê heywan-i heqîqet ke Nişanî
Bi cehanê mebe mexrûr ko cehan ’eyni serab e

Serkeşî, şîwe’ê erbabê wefa nîne, rihê min
Te ji dil şohtî Mela bes bi Melê ra bi cefa be

Feleka Etlesê şiirinin Türkçe çevirisi henüz eklenmemiştir.
© Bu şiirin her türlü telif hakkı şairin kendisine ve/veya temsilcilerine aittir.

Melayê Cizîrî Şiirleri

Tu Sehergeh (Hudûs)
Mehbûbê Bi Dil Bit
Şimşadi Xeram û Serwi Xennac
Mey Nenoşî (Xelet)
Ger Bidiya Ew Senema Surcemîl
Dilberê Serdarê Xûban
Muhbetê Mihnet
Serê Zulfa Te
Were Canim
Îro Ji Şehkasa Surê
Derê Meyxaneya Işqê Seher
Nêrgizên Şeng (çep û Rast)
Bê Lebê Lelî Mela (Çi Hez)
Mela Me
Ji Rena Nêgizên Tey
Dilberê Serdarê Xwiban
Feleka Etlesê
Ger Ji Wê Horîsiriştê
Qelbê Me Şubih Zêr
Min Dî Seher Şahê Mecer
Îro Ji Derba Xencerê
Xelqo Li Min Kin Şîretê
Tealellah Zehê Husna Mubarek
Îro Mela Serapa

Albüm | Atasözleri | Biyografi | Erkek İsim Anlamları | Frekans | Galeri | Hazır Mesajlar | Hikaye | İlahi Sözleri | İsim | İsim Telaffuzları | İslam | Kız İsim Anlamları | Kürt Dili | Kürtçe Beddualar | Kürtçe Dualar | Masal & Hikaye | Nasıl Denir? | Nedir? | Radyo | Sanatçılar | Şarkı Sözleri | Şiir | Sözlük | Ünlü Sözleri | Video |

Gizlilik Politikası İletişim Kullanım Şartları Reklam

Almanya'da Doktorluk | Firma Diyarbakır | Kürtçe Çeviri | Kürtçe Frekans | Kürtçe Sözlük | Radyo |

Kürtçe Bilgi
Kürtçe Bilgi, Kürtçe alanında farklı kategorilerde içerik sağlayan geniş kapsamlı bir portaldır.
Sözlük, Şarkı sözleri, Biyografi, Edebiyat, Hazır mesajlar, Masal, Hikaye, Şiir, Radyo ve daha fazlası için Kürtçe Bilgi...

© KurtceBilgi.Com. Bu sayfada yer alan bilgilerin her hakkı, aksi ayrıca belirtilmediği sürece KurtceBilgi .Com'a aittir. Site içerisinde yer alan veriler, kâr amacı gütmedikçe her türlü sosyal paylaşım platformlarında ve uygulamalarında paylaşılabilir. Ancak başka bir sitede paylaşılamaz.Sitemiz hiç bir şekilde kâr amacı gütmemektedir ve sitemizde yer alan tüm materyaller yalnızca bilgilendirme ve eğitim amacıyla sunulmaktadır.

Sitemizden en iyi şekilde faydalanabilmeniz için çerezler kullanılmaktadır. Bu siteye giriş yaparak çerez kullanımını gizlilik politikamız çerçevesinde, kabul etmiş sayılıyorsunuz.