Şiir Ekle

Melayê Cizîrî - Sebahul Xeyrî Xanê Min Sözleri

Melayê Cizîrî - Sebahul Xeyrî Xanê Min şiirinin Kürtçe sözleri...
Melayê Cizîrî

Kürtçe SözleriSebahu l-xeyri xanê min
şehê şêrîn zebanê min
Tu yî rûh û rewanê min
Bibit qurban te canê min
Te’ale l-lah çi zat î tu
çi wê şêrînsifat î tu
Ne wek qend û nebat î tu
Yeqîn rûh û heyat î tu
Heyat û raheta can im
“Sebahu l-xeyri ya xanim”
Were bînahiya çehvan
Bibînim bejn û balayê

Sebahu l-xeyri mesta min
Letîfa cam bi desta min
Xumar û meyperesta min
Tu yî meqsûd û qesta min
Ji meqsûdan tu yî bes min
Bibin ber çerxê etles min
Ji xeyrê te nevêt kes min
Bi reştûzên muqewwes min
Di benda zulfê çewgan im
“Sebahu l-xeyri ya xanim”
Were bînahiya çehvan
Bibînim bejn û balayê

Ji wê zulfê ji wê bendê
Reha bim lê ji peywendê
Siyehçeşmê spîzendê
Te sohtim şubhetê findê
şubhê şem’ û şemal im ez
Ji ber hubba te lal im ez
De’îf im wek hilal im ez
Sifet goyîn dikalim ez
Vi bilbil ra bi evxan im
“Sebahu l-xeyri ya xanim”
Were bînahiya çehvan
Bibînim bejn û balayê

Vi bilbil ra şev û rojê
Li ser wê terh û bişkojê
Enîmahê şefeq rojê
Te sohtim şubhetê dojê
Ko dûr im ez ji wê horê
Tinê carek li ser sûrê
Ji Wadî-eymena Torê
Tecella kir di nêv nûrê
Ji wê sohtî dil û canim
“Sebahu l-xeyri ya xanim”
Were bînahiya çehvan
Bibînim bejn û balayê

Ji husna wê tecellayê
Yedê beyda û balayê
çi wesfan bêm xeber nayê
Welê dil cezbeyê dayê
Ne hişyar im ji wê berqê
Ji zertacê li ser ferqê
Spêde da heta şerqê
Belê naêximê ferqê
Ji derbê ’işqê nalan im
“Sebahu l-xeyri ya xanim”
Were bînahiya çehvan
Bibînim bejn û balayê

Zerîf î nazik î şeng î
Sifethor î perîreng î
Bi rojê ra tu hevdeng î
Du reştûzên siyehyeng î
Kişandin lê ne wek caran
Xedengên qewsê nûbaran
Ji rengê şîr û mûkaran
Reşandin sîne wek baran
Ji wê derbê pir êşan im
“Sebahu l-xeyri ya xanim”
Were bînahiya çehvan
Bibînim bejn û balayê

Veke carek xet û xalan
Li ser wan mesned û palan
Bixwîne lê me ’ebdalan
Bibînin ’îd û sersalan
îcazet dî me destûrê
Perîrengê sifethorê
Ji nêva zulmet û nûrê
Binoşîn mey di ferfûrê
Ji dil talanê xalan im
“Sebahu l-xeyri ya xan im”
Were bînahiya çehvan
Bibînim bejn û balayê

Ji şehkasa ko qerqef tê
Meya nûrîn muşerref tê
Nişanek dilberê keftê
Ji bo min her seher xef tê
Ji wê camê dinoşim ez
Seher lew ney li hoş im ez
Ji ’amê lê dipoşim ez
Bi can her lê dikoşim ez
Ko xalib mest û sekran im
“Sebahu l-xeyri ya xanim”
Were bînahiya çehvan
Bibînim bejn û balayê

Were pêşber Melayê xwe
şehîd û mubtelayê xwe
Bi şefqet ke liqayê xwe
Mela nemrit bi dayê xwe
Mesîhayê li bîmaran
Kesên geztî du reşmaran
şehîdên şîr û mûkaran
Kirî amancê nûbaran
Li dîdara te heyran im
“Sebahu l-xeyri ya xanim”
Were bînahiya çehvan
Bibînim bejn û balayê

Sebahul Xeyrî Xanê Min şiirinin Türkçe çevirisi henüz eklenmemiştir.
© Bu şiirin her türlü telif hakkı şairin kendisine ve/veya temsilcilerine aittir.

Melayê Cizîrî Şiirleri

Kes Bi Dada Me Nepirsit (Çi Kit)
Pir Meke Israfê
Dilbera Min Seherê Hat
Senema Sur Ji Semed Neyşekera Leb Ji Nebat
Ey Nesîmê Seherê
Tealellah Zehê Husna Mubarek
Me Bi Dil Nêrgizên Xasse Divên
Ahê Ji Derdê Dil (Çerx)
Mizgîn Ji Me Ra
Bi Husna Ehseni
Peyweste Du Ebrû
Min Di Dil Kovan Hezar In
Sebahul Xeyrî Xanê Min
Şah Bi Qesda Kuştina Min
Me Ji Bil Husn û Cemalê Çi Xered
Serê Zulfa Te
Xema Işqê Perêhtim Ez
Îro Ji Remza Dêmdurê (Dil)
Îd e û Herkes Ji Dîdara Te
Kes Nedye Sehergeh (Bezma Evînê)
Ey Şahidê Qudsî
Mey Nenoşî (Xelet)
Yarê Me Pir Nîşan û Sir
Şahidê Qudsînişan Husn e

Albüm | Atasözleri | Biyografi | Erkek İsim Anlamları | Frekans | Galeri | Hazır Mesajlar | Hikaye | İlahi Sözleri | İsim | İsim Telaffuzları | İslam | Karikatür | Kız İsim Anlamları | Kürt Dili | Kürtçe Beddualar | Kürtçe Dualar | Masal & Hikaye | Nasıl Denir? | Nedir? | Radyo | Sanatçılar | Şarkı Sözleri | Şiir | Sözlük | Ünlü Sözleri | Video |

Gizlilik Politikası İletişim Kullanım Şartları Reklam

Firma Diyarbakır | Kürtçe Çeviri | Kürtçe Frekans | Kürtçe Sözlük | Radyo |

Kürtçe Bilgi
Kürtçe Bilgi, Kürtçe alanında farklı kategorilerde içerik sağlayan geniş kapsamlı bir portaldır.
Sözlük, Şarkı sözleri, Biyografi, Edebiyat, Hazır mesajlar, Masal, Hikaye, Şiir, Radyo ve daha fazlası için Kürtçe Bilgi...

© KurtceBilgi.Com. Bu sayfada yer alan bilgilerin her hakkı, aksi ayrıca belirtilmediği sürece KurtceBilgi .Com'a aittir. Site içerisinde yer alan veriler, kâr amacı gütmedikçe her türlü sosyal paylaşım platformlarında ve uygulamalarında paylaşılabilir. Ancak başka bir sitede paylaşılamaz.Sitemiz hiç bir şekilde kâr amacı gütmemektedir ve sitemizde yer alan tüm materyaller yalnızca bilgilendirme ve eğitim amacıyla sunulmaktadır.

Sitemizden en iyi şekilde faydalanabilmeniz için çerezler kullanılmaktadır. Bu siteye giriş yaparak çerez kullanımını gizlilik politikamız çerçevesinde, kabul etmiş sayılıyorsunuz.